San Francisco

O CCVV licita dous proxectos de rehabilitación por importe de 1.500.000 euros

O Consorcio Casco Vello de Vigo, organismo integrado nun 90 por cento pola Xunta de Galicia e nun 10 por cento polo Concello de Vigo, investirá un millón e medio de euros para a recuperación dos edificios situados na praza do Berbés e San Francisco 15, na fachada marítima da cidade vella. O Comité Executivo deste organismo aprobou hoxe a posta en marcha da licitación destas dúas promocións que permitirán sumar seis novas vivendas e un local comercial á oferta residencial desta zona da cidade de Vigo. A mesma concentra na actualidade boa parte das intervencións do CCVV, xa que ás dúas actuacións anunciadas hoxe hai que sumar a rehabilitación en marcha de Berbés 41 e a creación na mesma praza da nova sede representativa da Universidade de Vigo e dun albergue de Peregrinos en locais cedidos polo CCVV ao organismo educativo e á Consellería de Turismo da Xunta de Galicia respectivamente.

O novo Casco Vello de Vigo
 

Facebook

Twitter