O Consorcio Casco Vello inicia o concurso de adxudicación do alugueiro do local comercial en Real 25

O Diario Oficial de Galicia, na súa edición de onte, 17 de agosto, recolle o anuncio do inicio de concurso público para a adxudicación do alugueiro do local situado na rúa Real 25, de Vigo, propiedade do Consorcio Casco Vello de Vigo.

Trátase dun local de 54,78 metros cadrados útiles, aos que hai que sumar 17,39 máis con categoría de almacén. O prego económico da convocatoria fixa como prezo do alugueiro a cantidade de 295,19 euros mensuais.

O citado prego de condicións económico administrativas e o resto da documentación requirida para presentar as candidaturas a este alugueiro, que deberá realizarse a través da plataforma de contratación SILEX, está dispoñible na págína web do consorcio, no apartado de LOCAIS, opción de PRÓXIMOS CONCURSOS, seleccionando a pestana ARQUIVOS DESCARGABLES