O IGVS abre hoxe o procedemento para a adxudicación de 12 vivendas protexidas rehabilitadas polo CCVV

• Sortearanse entre os demandantes que a día de hoxe estean inscritos ou teñan presentada solicitude de inscrición no Rexistro de Demandantes de Vivenda.
• Os interesados contan con quince días hábiles para solicitar a súa inclusión no sorteo, que se realizará o 17 de setembro.

Vigo, 1 de xullo de 2013.- O Instituto Galego da Vivenda e Solo iniciou hoxe o procedemento para a adxudicación de doce vivendas protexidas de promoción privada, rehabilitadas polo Consorcio Casco Vello de Vigo, participado nun 90 por cento polo IGVS, no que poderán participar todos aqueles que a día de hoxe estean inscritos ou teñan presentado solicitude de inscrición no Rexistro de Demandantes de Vivenda, no réxime de vivenda concertada e acceso en compra.

Os interesados que cumpran o requisito anterior dispoñen de quince días hábiles para solicitar a súa inclusión no procedemento de adxudicación, para o que poden atopar o modelo de solicitude na web do IGVS: http://igvs.xunta.es/web/actuamos/celebracions-sorteos-rexistro-demandantes. O prazo remata o 18 de xullo.

As vivendas para as que se inicia o procedemento de adxudicación son as seguintes:

 

Localización	Nº vivendas	Superficie m2	Nº dormitorios	Prezo €
R/ Ferrería 31	1	65,56	1	91.437,84
R/ Ferrería 33-35	2	47,25	2	65.900,52
		46,85		65.342,63
R/ Ferrería 33-35	2	88,35	3	123.223,51
		84,28		117.547,00
R/ Ferrería 25-27-29	5	56,81	2	79.234,04
		60,71		84.673,45
		65,68		91.605,21
		73,14		102.009,82
		116,55	3	162.554,62
Canellón do Estreito 12	1	62,75	1	87.518,68
Canellón do Estreito 12	1	92,57	2	129.109,23

Unha vez rematado o prazo para a presentación de solicitudes de inclusión no sorteo e tramitadas as mesmas. A lista provisional de admitidos ao mesmo publicarase o seis de agosto, abríndose un prazo de sete días hábiles (ata o 14 de agosto) para reclamacións á mesma. A lista definitiva publicarase o 27 de agosto e o sorteo das vivendas realizárase o 17 de setembro.