O CCVV inicia o concurso de adxudicación en alugueiro dun local comercial en Elduayen 31

O consello de administración do Consorcio Casco Vello de Vigo (CCVV), reunido esta mañá baixo a presidencia de Ana Ortiz Alvarez, acordou a posta en marcha do concurso de adxudicación en alugueiro do local comercial resultante da rehabilitación do edificio situado no número 31 da céntrica rúa Elduayen. Trátase dun local de 106,95 metros cadrados que ocupa, xunto ás escaleiras e o acceso do edificio, a totalidade da planta baixa do edificio. O prego de condicións do concurso, que será publicado proximamente, establece como cota anual de alugueiro a cantidade de 4,488.98 €.

Desde a súa creación hai 20 anos, e de acordo con o seu obxectivo fundacional de contribuír á recuperación social do seu ámbito de actuación, o CCVV creou un total de 36 locais comerciais. Deles seis foron vendidos a particulares, empresas ou organismos. Os outros 30 ofertáronse en réxime de alugueiro e atopanse, salvo o que agora se pon no mercado, ocupados por empresas de distintos sectores ou organismos públicos