Comeza o proceso de adxudicación de catro vivendas en San Sebastián 20/Hortas 4 e Ribeira do Berbés 39/San Francisco 2
O Instituto Galego de Vivenda e Solo (IGVS) publicou senllas resolucións para a posta en marcha do proceso de selección de candidatos para optar a catro vivendas impulsadas polo Consorcio Casco Vello de Vigo nas súas promocións San Sebastián 20/Hortas 2-4 (Expediente PO9-VC-0001/25) e Ribeira do Berbés 39/San Francisco 2 (Expediente PO9-VC-0002/25).
A partir de mañá ábrese un prazo de quince días hábiles (do 5 ao 26 de agosto) para que todos aqueles interesados que cumpran cos requisitos poidan presentar a documentación requirida en ambas as convocatorias, que poden ser consultadas nas seguintes ligazóns:
Cada unha destas dúas promocións do CCVV supuxo a construción de dúas vivendas coas seguintes características.
San Sebastián 20/Hortas 2-4: Vivenda 1. Conta con dous dormitorios;-salón comedor-cociña e dous baños. Ten unha superficie aproximada de 116 metros cadrados útiles aos que hai que engadir 21 de patio. O prezo establecido na convocatoria é de 263.000 €.
Vivenda 2: Conta con tres dormitorios, salón-comedor-cociña e dous baños. A súa superficie útil é de aproximadamente 111 metros cadrados máis 9 de patio e o prezo establecido é de 243.000 €.
Ribeira do Berbés 39/San Francisco 2: Vivenda A. Dispón de dous dormitorios, salón-comedor-cociña , un baño e unha superficie aproximada de 89 metros cadrados. O seu prezo establecido é de 234.000 €.
Vivenda B: Conta con dous dormitorios, salón-comedor, cociña e dous baños. A súa superficie aproximada é de 106 metros cadrados e o seu prezo 243.000 €.
