A posibilidade de optar ás catro vivendas de Real 13 a piques de acabarse
Vigo, 12 de xuño do 2023.- Se estás interesado en residir no Casco Vello non dejés pasar a ocasión de participar no sorteo que adxudicará as catro vivendas que o Consorcio Casco Vello de Vigo promove no número 13 da rúa Real. Para iso tes que estar rexistrado – se non o estás debes facelo de inmediato, antes de que o Instituto Galego de Vivenda e Solo faga pública a convocatoria oficial, prevista para os próximos días -no Rexistro Único de Demandantes de Vivenda de Galicia, ben presencialmente nas oficinas da Xunta de Galicia ou por vía telemática a través da páxina web do citado organismo. En calquera destes casos as seguintes ligazóns ofrécenche toda a información sobre o proceso para seguir e a documentación para achegar.
Ligazón 1: como inscribirse no Rexistro Único de Demandantes de Vivenda
Ligazón 2: proceso para a adxudicación de vivendas promovidas polo CCVV
Ligazón 3: Ficha técnica e visita virtual do edificio
As catro vivendas que se adxudicarán en Real, 13, teñen unha superficie aproximada de 60 metros cadrados cada unha e os prezos establecido para cada unha delas quedaron fixados así:
VIVENDA A PLANTA PRIMEIRA 105.000 €
VIVENDA B PLANTA SEGUNDA 105.712,66 €
VIVENDA C PLANTA TERCEIRA 110.715,34 €
VIVENDA D PLANTA CUARTA 110.155,34 €
Ubicación
A promoción Real, 13 permitirá recuperar un dos maiores edificios construídos no centro do barrio histórico vigués, levantado sobre un solar de 116 metros cadrados cunha fronte de fachada cara á rúa Real de 10,24 metros. Foi adquirido por o CCVV en decembro de 2019 e a súa rehabilitación supuxo un investimento de 605.150,50. €. A execución das obras adxudicouse en novembro de 2021 á empresa Prace Servizos e Obras S.A. O proxecto de rehabilitación, que inclúe ademais a creación dun local comercial na planta baixa, foi elaborado por Rodríguez e Rivoira Arquitectos e recolle como un dos seus elementos distintivos a conservación na fachada de pedra das grandes ventás que caracterizan ao edificio. Trátase dunha das maiores rehabilitacións dun edificio situado na zona baixa do Casco Vello de Vigo realizada nos últimos anos, cunha situación excelente ao estar moi próxima a puntos de interese como a praza do Berbés, a concatedral, A Laxe ou a praza da Constitución.
