O Instituto Galego de Vivenda e Solo acaba de publicar senllas resolucións nas que se anuncian as aperturas dos procedementos de selección de adxudicatarios das Vivendas de Promoción Privada Autónomica impulsadas polo Consorcio Casco Vello de Vigo en Ferrería 10-12 (expte. P09-VC-0001/15) e Ferrería 45-47 (expte. P09-VC-0003/15). Pulsando sobre as dúas ligazóns anteriores poderás acceder ao contido de ambas as resolucións que inclúen o modelo de formulario necesario para formalizar a inscrición nestos procedementos.
Se estás interesado nalgunha das seis vivendas que suman ambas as promocións e déchesche de alta no Rexistro Único de Demandantes de Vivenda da Xunta de Galicia con anterioridade a esta publicación, ten en conta que tes un prazo de “quince días hábiles contados desde o seguinte ao da derradeira publicación desta resolución de inicio” para solicitar a túa inclusión no procedemento de adxudicación.
Para iso deberas presentar a solicitude segundo o modelo de formulario que se inclúe como anexo nas propias resolucións (a publicación aclara que non se admitirán solicitudes que non se axusten a estes modelos). Esta solicitude pódese presentar nos puntos de rexistro admitidos pola lei. En Vigo podes facelo, por exemplo, no edificio administrativo da Xunta de Galicia na zona das Avenidas, pero en calquera caso achegamos as direccións e medios de contacto das delegacións e a sede central do IGVS onde tamén poderás entregala e consultar calquera dúbida que che poida xurdir.
| A CORUÑA
Área Provincial do IGVS Praza de Luis Seoane, s/n 15008 A Coruña Teléfono de información 981 184 801 |
LUGO
Área Provincial do IGVS Avda. Ramón Ferreiro 28 27002 Lugo Teléfono de información 982 294 602
|
| OURENSE
Área Provincial do IGVS Rúa Sáenz Díez, 1 32003 Ourense Teléfono de información 988 386 271 |
PONTEVEDRA
Área Provincial do IGVS Rúa Alcalde Hevia 7 36071 Pontevedra Teléfono de Información 986 805 610
|
| SERVICIOS CENTRAIS
Área Central, s/n Polígono de Fontiñas 15781 Santiago de Compostela 981 541 982 |
Facebook